चतरा : आज वैशाख १ वाट नेपालले जगद्गुरु पाएको १२ वर्ष पुगेको छ। नेपालको चतराधाममा पहिलो पटक कुम्भ मेला आयोजना गरेका वालसन्त देवाचार्यले २०६७ वैशाख १ गतेका दिन जगतगुरुको पदबाट अभिषेक भएका थिए। 
बालसन्तलाइ भारतीय विद्वान, विदुषीहरूको निर्णयमा काशी पण्डित सभा र काशी विद्वत्परिषद् संयुक्त आयोजनामा नेपाल राष्ट्रका राष्ट्रवादी, देशभक्ति, धर्म संस्कृतिका उपासक, सनातन धर्मका अभियान्ताका रूपमा नेपालको पहिलो जगद्गुरुको रूपमा ऐतिहासिक घोषणा गरिएको थियो। वालसन्तलाई जगद्गुरु घोषणा गर्दा नेपाल सरकारको सहमति र उपथिति समेत रहेको थियो। 
मेलाको पनि महामेला कुम्भ उत्सव चतरामा लगाएर गुरुको पनि गुरु जगद्गुरु घोषणा भए पछि उनले चतरालाई चतराधाम र चतराले उनलाई गुरुबाट जगद्गुरु बनाएको जगतगुरु पीठ तथा राधाकृष्ण भक्ति साधना आत्मिक प्रतिष्ठानका महासचिव प्रह्लाद भट्टराई बताउँछन्।
नेपालीहरूलाई धर्मको माध्यमबाट जोड्न  सकिने चिन्तन राख्ने, राष्ट्रवादी, देशभक्ति, धर्म संस्कृतिका उपासक, सनातन धर्मका अभियन्ता बालसन्तलाई नेपाल राष्ट्रको प्रथम ऐतिहासिक जगतगुरुका रूपमा अभिषेक भए पछि नेपालीहरुकालागि गर्भ लायक दिन रहेको भट्टराई बताउँछन् । 
नेपालीको छोराले पहिलो पटक ऐतिहासिक रूपमा जगद्गुरुको ताज पहिरिएका बालसन्तलाई तत्कालीन नेपाल सरकारले राष्ट्रिय सम्मानबाट विभूषित समेत गरेको थियो। नेपाल सरकारले जगद्गुरुको सम्मानको खातिर ललितपुरको संखमुलमा जगंबहादुरको छोरा जगदजंगले बनाएको जगदनारायणको मन्दिरमा जगद्गुरुलाई निवासको रूपमा बस्ने व्यवस्था समेत मिलाएको थियो। 
सोही जगतगुरु घोषणा गरिएको सम्झनामा वर्षको पहिलो दिन अर्थात् वैशाख १ गते राधाकृष्ण भक्ति साधना केन्द्र प्रतिष्ठान चतरामा गद्दी आरोहण गरिँदै आइरहेको जगद्गुरु पीठका व्यवस्थापन सुनिल भट्टराई बताउँछन् ।